Rundunar ‘yan sandan jihar Kano ta gargadi matasa masu yin roller skating, wato amfani da talalmin taya a manyan tituna, gadoji, tana mai cewa duk wanda aka samu yana jefa rayuwar jama’a cikin hadari zai fuskanci hukunci.
A cewar rundunar, an lura cewa wasu matasa na manne wa motocin da ke tafiya domin karawa kansu gudu, lamarin da ka iya haddasa mummunan hadari ko asarar rayuka.
‘Yan sandan sun bayyana cewa manyan tituna an gina su ne domin zirga-zirgar ababen hawa kawai, ba domin irin wadannan wasanni ba.
Rundunar ta kuma bukaci iyaye, malamai da shugabannin al’umma su gargadi matasa kan wannan dabi’a mai hatsari.
Tana mai cewa duk wanda aka samu yana hana zirga-zirga ko kuma yana jefa rayuwarsa da ta wasu cikin hadari zai iya fuskantar kamu da gurfanarwa a gaban kotu.
Ga masu son bada talla ko shawarwari a kira wannan lambar +2348032077835
Domin samun sauran shirye-shirye Alfijir labarai/Alfijir news ku biyo mu ta nan 👇
https://twitter.com/Musabestseller?s=09
https://www.facebook.com/profile.php?id=100089640289165
https://www.threads.net/@alfijirlabarai
https://www.youtube.com/@BestsellerChannel12
https://www.instagram.com/musa_bestseller?utm_source=qr&r=nametag
Alfijir labarai Alfijir News Whatsapp Group 👇👇
https://chat.whatsapp.com/H5oBRaZBdCVIyOTIV5eMfb?mode=ac_t