Masu Ruwa da Tsaki na Jam’iyyar PRP na shiyyar Arewa maso Yamma ya zargi Sanata Rabiu Musa Kwankwaso da ƙoƙarin mallake tikitin takarar jam’iyyun siyasa daban-daban ta hanyar sayen fom ɗin takara, lamarin da suka ce zai iya hana mambobin da suka cancanta damar tsayawa takara.
Shugaban dandalin jam’iyyar, Abdullahi Musa Giza, ya bayyana hakan ne yayin wani taron manema labarai da aka gudanar a Kano.
Ya ce an saye fom ɗin takara na dukkan muƙamai 69 na jam’iyyar PRP ta hannun mutum guda wanda ba mamba ba ne a jam’iyyar, yana mai cewa wannan abin damuwa ne ga makomar dimokuraɗiyya da tsarin gudanar da harkokin cikin gida na jam’iyyun siyasa.
Giza ya yi zargin cewa irin wannan abu ya faru a wasu jam’iyyu sama da bakwai, yana mai cewa akwai rahotannin da ke danganta Kwankwaso da wannan shiri.
A cewarsa, matakin zai iya hana mambobin jam’iyyar da suka cancanta kuma suke da niyyar tsayawa takara damar samun tikitin jam’iyyarsu.
Ya bayyana lamarin a matsayin “fashin siyasa” wanda zai iya haifar da rikice-rikice da ruɗani a harkokin zaɓe idan ba a dakatar da shi ba.
Giza ya jaddada cewa PRP jam’iyya ce mai bin ƙa’idojin dimokuraɗiyya kuma ba za ta amince da duk wani yunƙuri na kwace ikon tafiyar da harkokinta ba.
Ya yi kira ga Kwankwaso da ya bar jam’iyyun siyasa su gudanar da harkokinsu cikin ‘yanci da adalci, yana mai cewa bai kamata a tsoma baki cikin harkokin PRP ba.
Shugaban dandalin ya kuma yi gargaɗin cewa idan aka ci gaba da abin da ya kira katsalandan a harkokin jam’iyyar, za su nemi mafita ta hanyar kotu domin kare haƙƙin mambobinsu da martabar jam’iyyar.
Ga masu son bada talla ko shawarwari a kira wannan lambar +2348032077835
Domin samun sauran shirye-shirye Alfijir labarai/Alfijir news ku biyo mu ta nan 👇
https://twitter.com/Musabestseller?s=09
https://www.facebook.com/profile.php?id=100089640289165
https://www.threads.net/@alfijirlabarai
https://www.youtube.com/@BestsellerChannel12
https://www.instagram.com/musa_bestseller?utm_source=qr&r=nametag
Alfijir labarai Alfijir News Whatsapp Group 👇👇
https://chat.whatsapp.com/H5oBRaZBdCVIyOTIV5eMfb?mode=ac_t