NAFDAC ta kwace kayayyaki haram, wadanda suka kare, da wadanda ba a yi musu rajista ba, da kudinsu ya haura Naira biliyan 1.5 a Legas ranar Asabar.
Aikin kwace kayayyakin ya samu jagorancin tawagar bincike da aiwatarwa ta NAFDAC a sashen kayan kwalliya a kasuwar Trade Fair.
Tawagar ta kuma kama babbar motar da ke dauke da kaya bogi da NAFDAC ke kula da su yayin wannan aikin.
Daraktan Bincike da Aiwatarwa, Dr. Martins Iluyomade, shi ne ya jagoranci tawagar kuma ya yi jawabi ga manema labarai bayan kammala aikin.
Iluyomade ya ce wannan aiki bangare ne na tsarin aikin NAFDAC na kawar da kayayyakin da ke cutarwa daga kasuwanni a fadin Najeriya.
Ya bayyana cewa ana yawan samun koke daga ‘yan kasa kan kayayyaki marasa lafiya, kuma wannan aiki yana kara dagewa wajen cire irin wadannan kayayyaki daga kasuwa.
Ya kara da cewa wasu daga cikin kayan da aka kwace haramun ne da aka shigo da su ba tare da izini ko gwaji ba, sannan akwai kayayyakin da suka kare suna kan siyarwa a manyan dakunan ajiya. Jimillar kudinsu ya haura Naira biliyan 1.5.
Ya ce wadanda ake zargin na da irin wadannan kaya an gayyace su don bincike, kuma idan aka same su da laifi za su fuskanci hukunci da ya dace.
Iluyomade ya bayyana cewa NAFDAC na amfani da dubawa da gwajin dakunan gwaje-gwaje wajen tantance amincin kaya.
“Da farko muna duba kayayyaki da ido domin tabbatar da cika ka’idoji, sannan muna aika samfuri dakin gwaje-gwaje kafin a amince da kayayyakin,” in ji shi.
Ya ja hankalin cewa wasu kaya sukan zama kamar lafiya amma suna dauke da sinadarai masu cutarwa ko haddasa ciwon daji.
Dukkan kayayyaki, ko na cikin gida ko na waje, dole su cika sharuddan NAFDAC kafin a rarraba su.
Ya kara da cewa wasu ‘yan kasuwa na gujewa rajista mai inganci, suna jefa rayukan ‘yan Najeriya cikin hadari.
Ya bayyana daidaita harkar abinci da magani a matsayin al’amari na tsaron kasa, ya kuma ja hankalin jama’a da su daina dabi’un da ke barazana ga lafiyar jama’a.
Iluyomade ya bayyana cewa NAFDAC ba wai ba ya goyon bayan kasuwanci ba ne, amma lafiya da tsaron masu amfani da kaya shi ne gaba da komai.
Ya tabbatar da ci gaba da kokarin NAFDAC na kawar da kayayyakin bogi, haramun, da wanda ya kare.
Ga masu son bada talla ko shawarwari a kira wannan lambar +2348032077835
Domin samun sauran shirye-shirye Alfijir labarai/Alfijir news ku biyo mu ta nan 👇
https://twitter.com/Musabestseller?s=09
https://www.facebook.com/profile.php?id=100089640289165
https://www.threads.net/@alfijirlabarai
https://www.youtube.com/@BestsellerChannel12
https://www.instagram.com/musa_bestseller?utm_source=qr&r=nametag
Alfijir labarai Alfijir News Whatsapp Group 👇👇
https://chat.whatsapp.com/H5oBRaZBdCVIyOTIV5eMfb?mode=ac_t