Ku daina kiran mu ‘yan ta’adda don kawo karshen tashin hankali – Ina ji Shugaban ‘yan bindiga da ake nema ruwa a jallo.

Daga Aminu Bala Madobi

Wani Kasurgumin shugaban ‘yan bindiga da ake nema ruwa a jallo, Ado Aleiro, ya bayyana cewa matukar hukumomi da al’umma ba su daina kiransu da ‘yan ta’adda ba, to kada su yi tsammanin kawo karshen ayyukan ta’addancin da suke yi.

Rahotonni daga helkwatar tsaro (DHQ) a watan Nuwamba 2022 ta bayyana Ado Aliero amatsayin wanda ake nema ruwa a jallo tare da wasu mutane 18 da ake zargi da aikata ta’addanci yayin da ta sanya ladan Naira miliyan 5 ga kowannen su.

Sunayen wadanda ake zargi da aikata ta’addanci na kunshe ne a cikin da daraktan yada labaran tsaro Jimmy Akpor ya fitar a ranar Litinin.

Rahotanni sun bayyana cewa fitaccen Shugaban ‘yan fashin ya bayyana haka ne a madadin kungiyarsa a wani taron zaman lafiya da aka gudanar a karamar hukumar Danmusa ta jihar Katsina.

A cewarsa, da yawa daga cikin matasan da ke yin fashi da makami, an tilasta musu yin hakan ne saboda rashin kulawa, rashin adalci da kuma korafe-korafe da aka dade ana yi.

Ado Aleru: “Idan har ku ka cigaba da kiran mu ‘yan ta’adda, kar ku yi tsammanin za mu dakatar da tashin hankalin”

Fitaccen shugaban ‘yan bindigar, Ado Aleru, ya bayyana cewa matukar hukumomi da al’umma ba su daina kiransu da sunan ‘yan ta’adda ba, to kada su yi tsammanin kawo karshen su.