DA DUMI DUMINSA
Dakarun Operation Hadin Kai sun fatattaki wani hari mai banƙyama da ’yan ƙungiyar Islamic State West Africa Province (ISWAP) suka kai kan sansanin sojoji a Kukawa, Jihar Borno.
A cewar Nigerian Army, maharan sun kai hari kan dakarun 101 Special Forces Battalion daga bangarori huɗu, amma sojojin suka mayar da martani da ƙarfin wuta, dabarun yaƙi da haɗin gwiwar rundunar sama.
Rundunar ta ce tallafin Air Component ya taimaka wajen fatattakar maharan, inda waɗanda suka tsira suka tsere daga yankin.
Binciken farko na Nigerian Army ya nuna cewa fiye da ’yan ta’adda 25 aka kashe/neutralised, yayin da aka gano gawarwakin 14 daga cikin maharan zuwa lokacin fitar da sanarwar.
Bayan artabun, dakarun sun gudanar da bincike a yankin inda suka kwato tarin makamai da alburusai, ciki har da bindigogin AK-47 guda shida.
Nigerian Army ta ce ana ci gaba da gudanar da bincike domin gano wasu makamai, bin sawun ’yan ISWAP da suka tsere da kuma hana su sake taruwa.
Sai dai rundunar ta tabbatar da cewa wasu daga cikin sojojinta sun rasa rayukansu a yayin arangamar, ba tare da bayyana adadinsu a hukumance ba. Ta kuma miƙa ta’aziyyarta ga iyalan dakarun da suka mutu.
Nigerian Army ta ce nasarar fatattakar harin na nuna ci gaban haɗin gwiwar ayyukan sama da na ƙasa wajen tunkarar ayyukan ’yan ta’adda a Arewa maso Gabashin Najeriya.
📢 KU BI ALFIJIR LABARAI
Ku kasance tare da Alfijir Labarai / Alfijir News domin samun sahihan labarai, rahotanni, bincike da muhimman bayanai daga Kano, Najeriya da duniya.
📩 TUNTUƁA DA HAƊIN GWIWA
Kira/WhatsApp: +234 803 207 7835
🌐 KAFAFEFENMU
X: https://twitter.com/Musabestseller?s=09
Facebook: https://www.facebook.com/profile.php?id=100089640289165
Threads: https://www.threads.net/@alfijirlabarai
YouTube: https://www.youtube.com/@BestsellerChannel12
Instagram: https://www.instagram.com/musa_bestseller?utm_source=qr&r=nametag
📲 WhatsApp Group:
https://chat.whatsapp.com/Ilj1iz8v3sa3nBfrCz9U6f
ALFIJIR LABARAI MEDIA SERVICES
Gaskiya • Kan Lokaci • Amintacce
© 2026 Alfijir Labarai Media Services