Babban Sakataren Hukumar Kula da Asibitoci ta Jihar Kano, Dakta Mansur Mudi Nagoda, ya amince da korar manyan jami’an kiwon lafiya na Babban Asibitin Imam Wali da Abubakar Imam Urology Center da Nuhu Bamalli Maternity Hospital tare da maye gurbinsu da su.
Alfijir Labarai ta rawaito Shugaban ya kuma amince da dakatar da duk wasu likitoci da ma’aikatan jinya da ke bakin aiki na dare da rana a ranar Lahadi 30 ga Yuli 2023.
Hakan na kunshe ne a cikin wata sanarwar manema labarai da jami’ar hulda da jama’a ta hukumar Samira Sulaiman ta fitar ga manema labarai.
A cewar sakataren zartaswar, an dauki matakin ne cikin gaggawa saboda sakacin da asibitocin biyu ke yi wajen gudanar da ayyukansu, da kauracewa ayyukansu, tare da barin marasa lafiya a hannun dalibai masu neman kwarewa.
Ya kara da cewa hukumar kula da asibitocin ba za ta yadda da sakaci ba, zuwa makare, gujewa aiki daga duk wani ma’aikacin lafiya, kuma duk wanda aka samu yana yi tabbas zai fuskanci hukuncin bisa ka’idojin aikin gwamnati.
Dokta Nagoda ya yi kira ga sauran shiyyoyin da su kara hada kai domin za a sanya ido sosai kan dukkan kayayyakin aiki domin farfado da fannin kiwon lafiya a jihar zuwa matakin da ya dace.
Domin Samun sauran shirye shiryenmu, Zaku iya bibiyarmu a
Facebook. Alfijir Labarai
YouTube. Best Seller Channel
Twitter. @Musabestseller
Instagram. @musa_bestseller
Ko a latsa nan don shiga Group Whatsapp na Alfijir Labarai 👇
https://chat.whatsapp.com/H5oBRaZBdCVIyOTIV5eMfb
Wannan ya yi dai – dai. Marasa lafiya sun dade suna fuskantar matsaloli a asibitocin gwamnati ,amma fa a cikin likitocin akwai wadanda suke tafitar da aikinsu tsajani da Allah.