Alfijr ta rawaito wasu ‘yan daba sun kashe dan uwan Gwamna Hope Uzodinma wanda kuma Kyaftin din Sojojin Najeriya ne, Tony Enoch mai ritaya.
An kashe Enoch, wanda shi ne shugaban yakin neman zaben shugaban kasa na jam’iyyar APC (Ahmed Bola Tinubu/Kashim Shettima) a zaben 2023 a Oru-East a ranar Talata da daddare lokacin da yake dawowa daga taron masu ruwa da tsaki a hedkwatar majalisar Oru- Gabas.
An tattaro cewa maharan bayan sun kashe shi a kusa da unguwar Awomama Technical School da ke Oru- Gabas sun jefar da gawarsa a cikin motarsa.
Wata majiya ta bayyana cewa wasu ‘yan bindiga ne suka yi wa marigayin kwanton bauna, inda suka umarce shi da ya ajiye motarsa da karfi kafin a harbe shi suka jefar da shi a cikin motar.
An kuma tattaro cewa ga dukkan alamu an kashe marigayin ne da harbin bindiga uku a kai a lokacin da aka tsinci gawarsa a daren ranar Talata.
Gawar marigayin kamar yadda bayanai daban-daban suka nuna, an gano gawar marigayin ne da wasu da ke wucewa suka ga alamun jini a karkashin wata mota da aka ajiye a gefen titi.
A halin da ake ciki, SaharaReporters ta kasa samun martani a hukumance daga jami’an ‘yan sanda ko gwamnatin jihar Imo kan lamarin.
Sai dai kuma, Kakakin Rundunar, Henry Okoye, an ruwaito ya shaidawa manema labarai a Owerri, babban birnin Jihar Imo cewa har yanzu ba a yi masa bayani kan lamarin ba.
Ya ce duk da haka, za a ba da bayanai game da lamarin da zarar an sami cikakkun bayanai.
Domin Samun sauran shirye shiryenmu, Zaku iya bibiyarmu a
Facebook. Alfijr Labarai
YouTube. Best Seller Channel
Twitter. @Musabestseller
Instagram. @musa_bestseller
Ko a latsa nan don shiga Group Whatsapp na Alfijr Labarai 👇
https://chat.whatsapp.com/G1wNveF9mGU7jec5mWhFvZ