Alfijr ta rawaito wani limami a kasar Saudiyya da matarsa da ‘ya’yansu biyar sun rasu a wani haɗarin mota da ya rutsa da su a wani gari da ke gaɓar teku a kasar, kamar yadda jaridar Saudiyya, Okaz ta ruwaito.
Haɗarin ya afku ne a lokacin da wata motar dakon kaya da ke tafiya da gudu ta yi karo da wata mota dauke da mutanen a kan babbar hanya da ke kusa da birnin Al Qunfudah da ke gabar tekun kasar, inda ta kashe dukkan mutanen da ke cikin karamar motar.
Jaridar ta nakalto makusanta da abokan arziki na cewa, Sheikh Ahmed Al Basissy, limamin wani masallacin garin Al Qundudah tare da iyalansa suna dawowa daga Makkah bayan kammala aikin umrah sai motar ta yi karo da motarsu.
Labarin mummunan hatsarin ya jefa unguwar wadanda abin ya shafa cikin bakin ciki.
A halin da ake ciki kuma, ‘yan kasar Saudiyya da dama sun yi ta aika ta’aziyya ta yanar gizo tare da nuna kaduwa da rasuwar Imam da iyalansa.
Wasu masu zaman makoki sun yada faifan bidiyo da ke nuna marigayi malamin ya na gabatar da wa’azi.
Ministan harkokin addinin musulunci na Saudiyya, Abdul Latif Al Sheikh ya kuma yi ta’aziyyar rasuwar babban malamin.
Domin Samun sauran shirye shiryenmu, Zaku iya bibiyarmu a
Facebook. Best seller Channel
YouTube. Best Seller Channel
Twitter. @Musabestseller
Instagram. @musa_bestseller
Ko a latsa nan don shiga Group Whatsapp na Alfijr Labarai 👇
May their gentle soul rest in jannatul firdaus
Ameen ameen