Alfijr ta rawaito Wata sanarwa da mai magana da yawun So-Safe Corps, Moruf Yusuf ya fitar, ta bayyana wanda ake zargin Ojo Fagbenro mai shekaru 32, mazaunin Iju-Aga, Abekoko a Iju-Ishaga, karamar hukumar Ifo ta jihar Ogun.
A cewar Yusuf, jami’an hukumar ne da ke Oke-Aro/Olambe reshen Oke-Aro/Olambe suka kama wanda ake zargin, a lokacin da yake sintiri da misalin karfe 8 na dare.
An kama shi ne a lokacin da yake kokarin yiwa masu sayar da kayan waya fashi a kan gadar da ke Abule Ekun, Giwa, kan hanyar Ijoko.
“Wanda ake zargin, a lokacin bincike na farko ya amsa laifinsa, sannan ya bayyana cewa shi ne shugaban ‘Labaran Uku’ na kungiyar da ke kashe ido a yankin,” in ji Yusuf.
Ya kara da cewa an gano tare da kwato bindiga guda daya na gida, laya da wata karamar jaka daga hannun wanda ake zargin na tsafi ne.
A halin da ake ciki kuma, an mika dukkan kayayyakin da aka samu kan wanda ake zargin ga ‘yan sanda da ke yankin Ajuwon kamar yadda kwamandan So-Safe, Soji Ganzallo ya umarta.
Domin Samun sauran shirye shiryenmu, Zaku iya bibiyarmu a
Facebook. Best seller Channel
YouTube. Best Seller Channel
Twitter. @Musabestseller
Instagram. @musa_bestseller
Ko a latsa nan don shiga Group Whatsapp na Alfijr Labarai
https://chat.whatsapp.com/Cy5n7eXK4wrHMIEYBSYpcQ