Ibtila’i: Gobara ta kone Shahararriyar Shagon Samsung Dake Banex Plaza A Birnin Tarayya Abuja

X Facebook Telegram WhatsApp

Kawo yanzu dai babu cikakken bayani kan musabbabin tashin gobarar ko kuma adadin wadanda suka mutu har zuwa lokacin hada wannan rahoto.

Alfijir Labarai ta rawaito cewa an samu tashin gobara a ranar litinin a ofishin Samsung daks Banex Plaza kusa da Aminu Kano Crescent a Wuse II, Abuja.

A cikin wani faifan bidiyo da wakilinmu ya samu, an ga shahararren shagon sayar da kayan lantarki a cikin wuta yayin da aka ji wasu mutane na kururuwa a bayan fage.

Har zuwa lokacin hada wannan rahoto, wakilinmu ya tabbatar da cewa, tuni jami’an hukumar kashe gobara ta birnin tarayya Abuja suka yi mai yiwuwa wajen kokarin shawo kan gobarar.

“Eh, gaskiya ne. Tuni mutanen mu suna nan a kasa,” Shugaban ayyuka na Hukumar kashe gobara ta Abuja, Abiola Adebayo, ya shaida wa manema labarai.

Kawo yanzu dai babu cikakken bayani kan musabbabin tashin gobarar ko kuma adadin wadanda suka mutu har zuwa lokacin hada wannan rahoto.