Jam’iyyar APC reshen jihar Jigawa ta dakatar da shugaban jam’iyyar na karamar hukumar Roni, Saleh Idris, bisa zargin yi wa wata mata fyade tare da yi mata ciki.
Alfijir Labarai ta rawaito Hakan na kunshe ne a cikin wata sanarwa da shugaban jam’iyyar na jihar Aminu Sani Gumel ya sanyawa hannu, kuma aka rabawa manema labarai.
Wata Kotun Majistare da ke Dutse, babban birnin jihar, ta tasa keyar Idris akan zargin.
An bayyana cewa jami’an hukumar kula da kadarorin gwamnati da tsaron al’umma ta Kasa sun kama Idris a ranar 4 ga watan Oktoba sakamakon korafin da dan’uwan wadda abin ya shafa ya kai.
Kakakin hukumar NSCDC a jihar, Adamu Shehu, shi ma ya tabbatar da hakan a cikin wata sanarwa da ya fitar cewa karamar yarinyar bayan gwajin dakin gwaje-gwaje, tana dauke da “juna biyu na tsawon watanni hudu da mako biyu.”
Sanarwar ta APC ta kara da cewa, “Bayan zargin fyade da yi wa karamar yara ciki da sakamakon binciken farko na jihar, jam’iyyar ta fitar da wasu kudurori kamar haka:
“Wannan matakin ya ci karo da sashi na 21.2 (viii) da (x) na kundin tsarin mulkin jam’iyyar APC na 2022 da aka yi wa kwaskwarima kuma akwai bukatar a kara bincike.
“Wannan (jam’iyyar ta amince) kan bukatar ci gaba da bincike kan lamarin. Saboda haka, an dakatar da kai daga shugabancin jam’iyyar na karamar hukumar Roni wajen kammala rahoton bincike na karshe.”
Jam’iyyar ta kuma umarce shi da ya mika al’amuranta ga mataimakin APC na shugaban karamar hukumar.
The Punch
Domin Samun sauran shirye shiryenmu, Zaku iya bibiyarmu a
https://twitter.com/Musabestseller?s=09
https://www.facebook.com/profile.php?id=100089640289165
https://www.threads.net/@alfijirlabarai
https://www.youtube.com/@BestsellerChannel12
https://www.instagram.com/musa_bestseller?utm_source=qr&r=nametag
Ko a latsa nan don shiga Group Whatsapp na Alfijir Labarai 👇
https://chat.whatsapp.com/K8z1chFesJeCf99Q